Asmssi g tutlayt tamaziγt

Asmssi : d asizwr n kra dg ifrdisn n twinst tamyagant. izmr ufrdis ad ig asmmud nγ amrnu. focalisation تبئير

 


Ad nssnti s umdya ad:

Isγa mass Anir adlis i illis dg tsdlist assnnaḍ.

Isγa: amyag. MY
Anir: asmmud anfray n umggay. SNM
adlis: asmmud n uskkin usrid. SSS
illis : asmmud n uskkin arusrid. SSR
tsdlist: asmmud anzγan. SN
assnnaḍ: Amrnu n wakud. MK

Anmala umyir n twinst:

MY+SN+SSS+SSR+SN+MK

Nra ad nsmssi kra g ifrdisn n twinst ad afad ad srs nrar taynit n umssflid, γf unck ad, iqqn d ad nssmrs kra dg tzlγiwin n usmssi:

Ayd, ay nγ ad mk nra ad nsmssi SN, SSS nγ MK, nssmrs "a+tanzγt" mk nra ad nsmssi SSR nγ SN (a γf, a mi, a s, ad d, ad dar, a γr...).

Asmssi n SNM: (d) mass Anir ayd isγan adlis i illis dg tsdlist assnnaḍ.
Asmssi n SSS:  (d) adlis ayd isγa mass Anir i illis dg tsdlist assnnaḍ.
Asmssi n SSR: (d) illis a mi isγa Mass Anir adlis dg tsdlist assnnaḍ.
Asmssi n SN: (d) tasdlist a g isγa Mass Anir adlis i illis assnnaḍ.
Asmssi n umrnu: (d) assnnaḍ ayd isγa mass Anir adlis i illis dg tsdlist.

gr tamawt:

* Ig nsmssi SNM, da nssftay amyag deg umaγun (isγa>ay isγan)
* Ig tssnti tnzγt s "d" da nsnfal "a" s "ad" nγ "ayd".
* nzmr ad nsnfl "ay" g twinas ad izrin s "ayd" nγ "ad".
* mk intl SNM niri ad t nsmssi da nsḍaṛ adγar nns amqqim ilelli d yusan (sγiγ>nkk ay isγan).

Imdyatn yaḍn:
Fkiγ tasarut i Siman.
> Nkk ay ifkan tasarut i Siman.
> Siman a mi fkiγ tasarut.
> Tasarut ayd fkiγ i siman.

Lliγ d Masin.
> Masin ayd d lliγ.

Alaγmu:

Smssi ifrdisn n twinas ad:
* Ar aγ tettals imma tamqrant tullist n yinsi d wuccn.
* Iskr uslmad n umzruy tamsirt i inlmadn nns γf tgldit n Numidya imalass izrin.

Ajjat iγfawaln nnun (commentaires), s imk a ad aγ tssbγsm tsnmm tawuri nnγ s isniγisn nnun.
tanmmirt f uḍfuṛ nnun.