ⵉⵙⵎ - ism
(v=gh, x=kh, c=ch)
tafukt - ffv - vf - slid - tilelli - tc - adrar - tafunast - izimmr - argaz - tuga
ismawn lli illan g imdyatn: tafukt - tilelli - adrar - awal - argaz - taddagt - tuga
asnml: ism d taguri isnmaln afgan nv amudr nv amvay nv tavawsa nv awngim.
llan ismawn izdin d ufgan amm argaz, tarbat, ilin wid izdin d imudar amm izimmr, ilin wid izdin d tvawsa amm tafukt, adrar, ilin winna izdin d imvayn amm taddagt, tuga...
> ismawn ad izdin d imudar, afgan imvayn nv tivawsiwin da asn nttini ismawn ikmamn (asuf: akmam).
llan ismawn ur ikjimn g wanawn ad akkw amm tilelli, tudrt, aswingm, azrf...iskkinn ad ur nzmir ad tn nZR s walln nv ad asn nssfld nv d ad asn nTTaS, gan vas yan uwngim s nttfrak g unnli nnv, aya a vf da asn nttini:
> ismawn iwngimn (asuf: awngim) nv imadwann (asuf: amadwan).
ismawn ikmamn: izm, afus, arba, taddagt, ils, adlis,.....
ismawn iwngimn: tayri, aksan, azrak, tavufi,.........
tasftit n yism:
da iftti yism g:
wanaw: amalay (arba, afunas, addag) d wunti (tarbat, tafunast, taddagt).
amDan: asuf (argaz, tafunast, taddagt, adrar) d umagut (irgazn, tifunasin, taddagin, idurar).
addad : ilelli (argaz, ul, tarbat, tafukt) d umaruz (urgaz, wul, trbat, tafukt).
Aucun commentaire:
Enregistrer un commentaire