Tanawayt n tutlayt tamaziɣt

Tbḍa tutlayt tamaziɣt ɣf kigan n tntaliwin illuzzan dg tfriqt n ugafa mi nttini Tamazɣa. Ilint tntaliwin immlmalan mi ittili umsrmas gr wid sisnt isawaln, ilint dg unmgal tid imsbḍan, maka ṭṭfnt akkʷ yat tuṣkiwt.

Tga tnawayt n tutlayt yat sg tɣawsiwin ɣf d iqan ad swurin imrza afad ad smunn tintaliwin ad smmlmilin tnt ssufɣn d sgisnt yat tutlayt imann tili ilugann n usnmrra d tjṛṛumt d tsnmslit d tsaddst d umawal idln akkʷ tiɣmrin n tudrt. tugt n tfadiwin smctgnt tigawt ad: asnṣb n tutlayt, asbudu n kigan n twuriwin timassanin, uṭṭun akswat n imrza imuzzag, tayri n wadaf ɣr yat tutayt talugnant dffir ma ad tkcm igr n usslmd atg.

Tanawayt n tutlayt d asngl n yat tmslayt s ussfru n ilugan nns igan s yat tikklt anutlay ig anamun. tga tnawayt n tutlayt awd yan uskkir adslan dg ussutg n tutlayin dg ugadaz anutlay.

Twats tnawayt asmuttg n tutlayt afad ad takm (tkcm) ɣr tinml tswuri amm tutlayt tunṣibt g maṛṛa igran n tudrt.

Tga tnawayt n tutlayt yat twuri immrn kigan tiri tizi iggutn d tussna g igr n tsnilst, iddɣ da tettili ɣf kigan n isutar:

> asngl n twnɣa d usnmarra.
> aslugn n tmslit.
> asngl n tsnalɣa d tsaddst.
> tanawayt n umawal.

G tsddit d iddan, ndda ad nsiwl ɣf uslugn lli iga usinag agldan n tdlsa tamaziɣt i twnɣa d usnmarra afad ad nssn mamk s rad nttara tutlayt tamaziɣt min izggaln.