mani d ikka inigl (symbole) "="?
Ur ttusnulfan inagliwn da nssmras g usiḍn d g imḍanen s yat tikklt maca zrin g kigan n tfrkin. mk tkkid tasniwin n idlisn izaykutn ur tnnid ad nn digsnt tafd inagliwn maca rad nn tafd iskkiln waha. aynna ɣf nsawal dɣi s inagliwn ar fllas nsawal g uzmz ann s tguriwin.
s umdya da nsawal ɣf tagda s inigl =. ttusmrasnt zik tguriwin imzarayn g unamk afad ad siwlnt ɣf tagda.
Imiẓṛann kkan da ssmrasn tawalt "da ttakka" afad ad siwln ɣf tagda.
igrikann da ssmrasn askkil "i" lli igan askkil izwarn g tguri "tgda" lli igan s tgrikant "isos".
willi yuran tusnakt s tɛṛabt ssmrsn taguri "tgda" lli igan s tɛṛabt "taɛdilu", ssmrsn awd askkil "ل" da igan askkil amggaru g tguri ann.
Sg inagliwn ittusqdcn altu ad nbdr ÷ d α d — d [
Amzwaru nna issmrsn inigl = isiwl ɣf tmntilin n usmrs nns iga t umusnak anglizi Recorde g yan udlis nns g 1557. ibdr Recorde awd mas d yuwi taswingmt ad sg taɣdiwin timsadaɣin, acku imk lli inna "ur illi ma'yd immgdan uggar n imaɣudn imsadaɣn".
Aucun commentaire:
Enregistrer un commentaire